Конференција „Е-Општество.мк“ – Демократија во дигиталната ера: предизвици и можности

Седумнасетти пат по ред Фондацијата за интернет и општество, Метаморфозис ја организира меѓународната конференција „Е-Општество.мк“. Конференцијата се одржа од 30 Ноември до 3 Декември 2021 год. во хотел „Панорамика“ во Скопје но и онлајн на платформата Zoom, при што свое присуство имаше и НЕКСТ-ЕМ дооел. На конференцијата присуствуваа и говореа претставници на институции од Европа, Америка, како и од нашата држава, граѓанското општество и правни експерти.

На настанот, во повеќе одделни сесии дебатираа и дискутираа претставници на институциите, невладините организации и граѓанскиот сектор. Во рамки на конференцијата се одржаа и повеќе работилници. На сесијата „Алгоритми, приватност и безбедност. Да зборуваме за човековите права“, беше кажано дека нивото на свесност на граѓаните, невладините организации, медиумите, академската заедница, но и самите држави, за системите за автоматско донесување одлуки и вештачката интелигенција е ниско и тоа треба да се промени бидејќи овие системи ќе продолжат да влијаат врз благосостојбата на граѓаните и затоа треба да соработуваат меѓусебно и со државните власти за да разговараат за придобивките и ризиците од овие системи. Во склоп на конференцијата Е-Општество.мк се одржа обуката за Сибер безбедност – вообичаени митови и дезинформации. Обуката се обиде да одговори на најчесто поставуваните прашања и дилеми кои младите ги имаат во однос на сибер-безбедноста и сигурноста онлајн – што точно значи онлајн безбедност, дали има начини самите ние да се заштитиме додека комуницираме, соработуваме, или пак купуваме онлајн.  Обука се одржа и за GDPR, често употребуван термин веќе подолго време, но многумина ја игнорираат или не ја разбираат неговата вредност. “Како да се изгради силен и одржлив систем за заштита на приватноста”,  преку која учесниците имаа можност да се запознаат подлабоко со актуелниот Закон за заштита на личните податоци и механизмите. Освен многуте обуки и работилници, се одржа и Хакатон за отворени податоци.