Фондацијата Отворено општество – Македонија (ФООМ) и Фондацијата за интернет и општество Метаморфозис организираа Конференција “Слободата и интернетот во Македонија” која се одржа на 11 мај (петок) 2018 год. во Музеј на современа уметност со почеток во 11 часот.

ЕВРОТИНК – Центарот за европски стратегии и Фондацијата Отворено општество – Македонија (ФООМ) секоја година по објавувањето на Извештајот за Македонија на Европската комисија изготвуваат Компаративна анализа за последните четири извештаи. Оваа година, 2018, двете организации го подготвија деветтото издание на Компаративната анализа која  го опфати периодот 2014-2018. Анализата беше претставена на 19 април 2018 година во хотелот „Холидеј Ин“ помеѓу 11.00 и 13.00 часот.

Евротинк – Центар за европски стратегии, НВО Инфоцентар, Транспарентност Македонија и Хелсиншкиот комитет за човекови права, имаа презентација на последниот мониторинг извештај за работата на Агенцијата за аудио и аудиовизуелни медиумски услуги (АВМУ) и Агенцијата за електронски комуникации (АЕК), во рамки на проектот „Мониторинг на ефикасноста, ефективноста, транспарентноста и одговорноста на регулаторните тела за медиумите – PROformance Watch“.

Фондацијата за демократија на Вестминстер и Високата школа за новинарство и односи со јавноста организираа конференција која  се оддржа на 27 февруари (вторник) од 10:30 – 12:15 часот во Х. Александар Палас во Скопје.
Темата е соработката меѓу Собранието и граѓанските организации, особено од аспект на законодавни иницијативи кои се однесуваат на различни човекови права, а се поттикнати од самите граѓани.