На покана на Евротинк, НЕКСТ-ЕМ дооел присуствуваше на Презентацијата за четвртиот мониторинг извештај за работата на АВМУ (Агенција за аудио и аудиовизуелни медиумски услуги) и АЕК (Агенција за електронски комуникации) и анализата „Поставеноста, перформансите и предизвиците во работењето на АЕК“ во рамки на проектот „Мониторинг на ефикасноста, ефективноста, транспарентноста и одговорноста на регулаторните тела за медиумите – PROformance Watch“ која се одржа на 08 Ноември 2019 год., петок, во Дневна Сала во х. Холидеј Ин, во Скопје, со почеток во 10:30 часот.
Европската бизнис асоцијација организираше конференција Дигитализација во претприемништво која се одржа на 20 ноември 2019 год. во City Hall, Скопје, во рамки на Европската национална недела на мали бизниси. 
На покана на ИГФ МКД / IGF MKD ( Internet Governance Forum Macedonia ) - Форум за управување со интернет Македонија, НЕКСТ-ЕМ дооел присуствуваше на Третиот Годишен Форум за управување со интернет ИГФ МКД, кој е национална иницијатива во рамките на структурата на глобалниот ИГФ ( Global Internet Governance Forum ). Настанот се одржа на 28 Октомври 2019 год., во Македонски Телеком АД, со почеток во 11,00 часот. 
Фондацијата за интернет и општество – Метаморфозис во соработка со IFEX- глобална мрежа за заштита и промоција на слободата на изразување спроведува активности за развој на методологија за мониторинг на надзорот/следењето како дел од безбедносниот систем во државата. Во две сесии, претставници на институциите, академската заедница и граѓанскиот сектор дискутираа за реформите во областа на националната безбедност и следењето на комуникациите како интегрален дел од националната безбедност. 
Конференцијата за бизнис и човекови права која се одржа на 20.09.2019 во Скопје во хотел Арка, се реализира во рамките на проектот „Поттикнување на принципите за бизнис и човекови права“, поддржан од Европската Унија, а спроведуван од Здружението Конект и Бизнис Конфедерација, чија цел e поддршка на економските и социјалните права во приватниот сектор преку унапредување на деловните и човековите права. 
