Глобални иновации преку наука и технологија - GIST и Стартап Македонија  организираа настан, регионалниот стартап демо ден кој се одржа на 16 Мај 2019 год. во Хотел Холидеј Инн во Скопје. На настанот свое учество имаа претставници од повеќе земји и тоа од Албанија, Ерменија, Украина, Косово, Босна и Херцеговина, Белорусија, Грузија, Црна Гора, Србија, Азербејџан и Македонија.

Во насока на активно вклучување на деловната заедница во стратешките економски политики и националната законска регулатива, Проектот на УСАИД “Партнерство за подобра бизнис регулатива” кој го имплементираат четирите клучни партнери: Стопанска комора на Македонија; Стопанска комора за информатички и комуникациски технологии – МАСИТ, Стопанска комора на северозападна Македонија и Сојуз на стопански комори на Македонија, организираа Форум на тема: “Механизми за елиминација на сивата економија, имплементација и очекувани резултати” кој се одржа на 16 Мај 2019 год. во Хотел Александар Палас во Скопје со почеток во 11 часот.

Компанијата Даталаб Македонија и МАСИТ како партнери организираа PANTHEON Kонференција на тема: „Дигитализација 2019“, која се одржа на 14ти Мај 2019 година, со почеток во 10:00 часот, во хотелот Мериот, во Скопје. Конференцијата имаше за намера да ги истакне актуелните иновации во областа на законодавството, претприемништвото и економијата, како и иновациите кои се носители на дигитализацијата практично применети во PANTHEON. На настанот гостуваа реномирани експерти од областа, со желба да се стимулираат иницијативи и конкретни чекори на напредок во компаниите кои користат ЕРП решенија. PANTHEON конференцијата се отвори со панел дискусија на тема: Дигитализација 2019 во Македонија.

На 08-ми мај со почеток во 11:00 часот во хотел „Солун“ во Скопје  се одржа финална конференција на проектот „Јакнење на капацитетите и механизмите за поддршка на реформскиот процес на поглавје 20“, финансиран од Европската унија. Целта на финалната конференција беше да ги сумира резултатите и придобивките од проектот, како и да придонесе за промоција на Платформата поглавје 20.