Институт за европска политика (ЕПИ)  организираше презентација за улогата на синдикатите, која се одржа на 25 Септември 2020 год. со почеток во 11.00 часот во Ragusa360 - Rooftop во Скопје. Настанот со поздравно обраќање го отвори Симонида Кацарска, директорка на ЕПИ. На настанот говореа Вилдан Дрпљанин, за здружување, збунетост или злоупотреба – Улогата на синдикатите во заштитата на работниците и Кире Василев за како да се зајакне улогата на синдикатите во заштита на работничките права.

Конференцијата, која се одржа на 03.03.2020 год (вторник), во хотел „Порта“ во Скопје, со почеток во 10:00 часот, имаше фокус за поддршката на женското претприемништво во државата и регионот, вмрежување на жените претприемачи на регионално ниво и презентација на мерките за пристап до финансии што се нудат во нашата држава, при што свое присуство имаше и НЕКСТ-ЕМ дооел.

Евротинк – Центар за европски стратегии, НВО Инфоцентар, Транспарентност Македонија и Хелсиншкиот комитет за човекови права, имаа презентација на петтиот периодичен мониторинг извештај за работата на Агенцијата за аудио и аудиовизуелни медиумски услуги (АВМУ) и Агенцијата за електронски комуникации (АЕК), во рамки на проектот „Мониторинг на ефикасноста, ефективноста, транспарентноста и одговорноста на регулаторните тела за медиумите – PROformance Watch“.